Val og atkvøðugreiðslur
Veljararnir avgera, hvør skal sita í Fólkatinginum, kommunustýrum, økisráðum og Evropa-tinginum.
Í seinasta lagi 5 dagar fyri valið fáa øll við atkvøðurætti eitt valkort við postinum. Har stendur, hvar tú skalt atkvøða, t.d. í einum skúla ella einum ráðhúsi.
Gjøgnum kommunu- og økisval fáa veljarar ávirkan á lokalpolitiskar avgerðir.
Í summum støðum mugu ella kunnu politikarar blanda allar landsins veljarar beinleiðis upp í eina politiska avgerð gjøgnum eina fólkaatkvøðu.
Til eitt fólkatingsval verða tey 179 plássini í Fólkatinginum býtt. Veljarar atkvøða fyri teimum valevnunum, sum teir halda best umboða síni sjónarmið. Tað er umboðandi fólkaræði.
Í valinum til Evropatingið atkvøða veljararnir um, hvør skal umboða Danmark í ES.