Fólkatingið er parlamentið í Danmark. Høvuðsuppgávurnar hjá Fólkatinginum eru at viðgera lógaruppskot og samtykkja landsins lógir, hava eftirlit við stjórnini og samtykkja árligu fíggjarætlanina hjá stjórnini (fíggjarlógina).
Dómstólarnir hava dómsvaldið í Danmark. Teir avgera, um fólk hava brotið landsins lógir. Tey loysa eisini ósemjur millum tveir partar í borgarligum málum.
Veljararnir avgera, hvør skal sita í Fólkatinginum, kommunustýrum, økisráðum og Evropa-tinginum.
Stjórnin stýrir, umvegis síni aðalráð, landinum sambært teimum lógum, Fólkatingið hevur samtykt.
Grundlógin er stjórnarskipanin hjá Danmark. Hon lýsir m.a. skipanina av fólkaræðinum, rættindi og skyldur borgaranna og valdstríbýtið.
Føroyar og Grønland eru partur av kongsríkinum Danmark, men bæði londini hava í dag partvíst sjálvstýri og lóggeva harvið sjálvi á nógvum økjum.