Tað tekur langa tíð at skriva eitt lógaruppskot.  Tað krevur nógva løgfrøðiliga vitan at gera tað. Stjórnin hevur nógv embætisfólk í aðalráðunum at hjálpa sær. Tað hava flokkar, sum ikki eru í stjórn, ikki. Tey fáa einans hjálp frá starvsfólkum í teirra flokkum og í umsitingini hjá Fólkatinginum. Stjórnin leggur tí tey flestu lógaruppskotini fram.

Áðrenn eitt lógaruppskot verður til lóg, skal tað ígjøgnum eina drúgva tilgongd.

Um eitt hugskot til nýggja lóggávu kemur frá stjórnini, verður uppkastið til lógaruppskotið:

1. fyrireikað í tí aðalráðnum ella teimum aðalráðunum, sum lógin hoyrir undir
2. góðkent á einum ráðharrafundi og í ríkisráðnum
3. send til hoyringar hjá viðkomandi felagsskapum o.s.frv., sum kunnu koma við viðmerkingum
4. lagt fram í fólkatingssalinum, tvs. at fólkatingsformaðurin boðar frá lidna lógaruppskotinum í salinum
5. viðgjørt fyrstu ferð í fólkatingssalinum, har framsøgufólk hjá flokkunum kjakast um tað
6. beint í nevnd, har nevndarlimirnir kjakast um tað í smálutum, seta spurningar til ráðharran ella boðsenda ráðharran í samráð
7. viðgjørt aðru ferð í fólkatingssalinum, har framsøgufólkini aftur hava møguleika at kjakast um uppskotið og atkvøða um møgulig broytingaruppskot
8. í summum førum nevndarviðgjørt aftur, tó sjáldan
9. viðgjørt triðju ferð, og atkvøtt verður í Fólkatinginum
10. undirskrivað av kongi, innan 30 dagar eftir, at tað er samtykt í Fólkatinginum

Lógaruppskotið hjá stjórnini verður eisini altíð sent til Løgmálaráðið, sum syrgir fyri, at tað er løgfrøðiliga í lag og ikki brýtur reglurnar í øðrum lógum ella altjóða sáttmálum. Tað verður eisini sent til Fíggjarmálaráðið, sum metir um fíggjarligu avleiðingarnar av lógaruppskotinum.

Gjøgnum samráðingar við flokkarnar tryggja ráðharrarnir vanliga, at teir hava meiriluta fyri lógaruppskotunum, áðrenn tey verða viðgjørd í Fólkatinginum.

Í minsta lagi 30 dagar skulu ganga frá tí eitt lógaruppskot er lagt fram, til tað er liðugt viðgjørt. Hetta stendur í tingskipanini hjá Fólkatinginum. Freistin merkir, at lógaruppskot ikki verða samtykt ov brádliga uttan umhugsni.

Tá eitt lógaruppskot er skrivað og lisið ígjøgnum, sendir aðalráðið tað til viðkomandi myndugleikar, felagsskapir og feløg. Tey kunnu síðani senda skrivligar viðmerkingar og mótmæli til uppskotið. Hetta kallast hoyringssvar. Vanligir borgarar kunnu eisini senda inn hoyringssvar.

Tilgongdin við hoyringum skal m.a. tryggja, at lógirnar eru av høgari góðsku og taka hædd fyri trupulleikunum, sum lógin skal loysa. Myndugleikarnir og felagsskapirnir, sum fáa uppkast til lógaruppskot send, hava vanliga serliga vitan ella serligar royndir, sum eru umráðandi fyri stjórnina at kenna, áðrenn lógaruppskotið verður skrivað liðugt og umrøtt í Fólkatinginum.

Stjórnin sendir vanliga tey innkomnu hoyringssvarini til viðkomandi nevnd í Fólktinginum, áðrenn fólkatingslimirnir umrøða eitt lógaruppskot í Fólktinginum. Fólkatingslimirnir brúka hoyringssvarini, tá teir skulu meta um, um lógaruppskotið er rímiligt og hóskandi, og um okkurt kanska skal leggjast aftrat.

Stjórnin tekur ikki altíð atlit til mótmælini og viðmerkingarnar, sum koma fram í hoyringini. Orsøkin til tað kann eitt nú vera, at stjórnin heldur, at atfinningarnar eru óviðkomandi. Tað er ein partur av fólkaræðisligu spælireglunum, at stjórnin kann og hevur rætt til at hyggja burtur frá einum hoyringssvari.

Øll skjøl, sum knýta seg til lógararbeiðið, eru alment atkomulig á donsku heimasíðuni hjá Fólkatinginum.

Hvørt ár verða umleið 200 uppskot til samtyktar viðgjørd í Fólkatinginum. Bæði fólkatingslimir og stjórnin (ráðharrar) kunnu leggja tey fram. Men sum oftast eru tað fólkatingslimir, ið leggja tey fram.

Uppskot til samtyktar eru lættari og skjótari at skriva enn lógaruppskot. Tey nýtast ikki at vera líka so nágreinilig.

Eitt uppskot til samtyktar verður formliga kallað “uppskot til eina fólkatingsavgerð”. Lógaruppskot verða viðgjørd 3 ferðir í Fólkatinginum. Uppskot til samtyktar verða bert viðgjørd 2 ferðir:

• Fyrsta viðgerð: Framsøgufólkini og avvarðandi ráðharrin á økinum, sum uppskotið snýr seg um, skulu siga sína meining um uppskotið og umrøða tað.
• Nevndarviðgerð: Nevndarlimirnir gjøgnumganga og kjakast um uppskotið
• Møgulig onnur viðgerð: Fólkatingið atkvøður um uppskotið í fólkatingssalinum. Í sjáldsamum førum verður uppskotið umrøtt enn einaferð, áðrenn atkvøtt verður um tað

Flestu av uppskotunum til samtyktar verða løgd fram av politisku mótstøðufólkunum hjá stjórnini (andstøðuni). Hesi uppskotini eru ofta skrivað soleiðis, at tey áleggja stjórnini at gera okkurt. Uppskotsstillararnir kunnu til dømis áleggja stjórnini at koma við einum uppskoti um eina nýggja lóg ella broyta eina galdandi lóg upp á ein ávísan máta.

Fordi oppositionen fremsætter de fleste beslutningsforslag, bliver de oftest stemt ned. Nogle gange når de kun til behandling i udvalget og ikke til afstemning. De bortfalder så, når folketingsåret slutter.

Oppositionspartierne bruger bl.a. beslutningsforslag til at plante nye politiske ideer. Ministeren på området skal diskutere forslaget med ordførerne i Folketingssalen. Det tvinger alle partier, herunder regeringspartiet/-erne, til at forholde sig til de emner, forslagene handler om.

Hvis regeringen synes, at en idé i et beslutningsforslag er rigtig god, optræder ideen nogle gange helt eller delvis i et af regeringens senere lovforslag. Oppositionspartiet, der fik ideen, får ikke æren. Men det får på den måde noget af sin politik gennemført.

Tá tú verður valdur inn á Fólkating á fyrsta sinni, mást tú skriva undir, at tú fert at halda grundlógina, áðrenn tú kanst taka lut í arbeiðnum í Fólkatinginum.

Fólkatingslimir hava rætt til at atkvøða eftir teirra persónligu sannføring og støðu – uttan mun til hvat flokkur teirra heldur. Tað er ásett í grein 56 í grundlógini: "Limirnir í Fólkatinginum einans eru bundnir av síni sannføring og ikki av nøkrum forskriftum frá sínum veljarum." Men í flestu førum atkvøða fólkatingslimirnir tað, sum semja er um í tingbólkinum. Tað merkir, at øll í tingbólkinum atkvøða eins.

Um lógaruppskotini snúgva seg um etiskar spurningar – t.d. ísáing – geva flokkarnir ofta fólkatingslimunum møguleikan at atkvøða frítt. Tá kunnu tey atkvøða eftir teirra persónligu sannføring.

Fyri at hava eftirlit á stjórnini mugu fólkatingslimir hava innlit í, hvussu hon arbeiðir. Tað fáa tey við m.a. at seta ráðharrunum spurningar.

Við spurningum til ábyrgdarhavandi ráðharrar kunnu fólkatingslimirnir fáa svar uppá:

• hvussu aðalráðið umsitur lóggávuna
• um tingini eru gjørd rætt
• um lóggávan kanska átti at verið broytt
• um stjórnin er við uppá at broyta lóggávuna

Fólkatingslimir seta vanliga ráðharrunum spurningar innan eitt avmarkað evni. Vanliga spyrja tey um ávís mál, t.d. mál frá miðlunum. Tað kann eisini vera, at borgarar, felagsskapir ella fyritøkur hava gjørt fólkatingslimirnar varugar við eitt mál.

Fólkatingslimirnir flætta gjarna sínar egnu meiningar inn í spurningarnar fyri at markera sína politisku støður og vísa, hvar teir eru ósamdir við politikkinum hjá stjórnini.

Fólkatingslimirnir seta ráðharrunum umleið 15.000 spurningar um árið. Tað verður gjørt við at:

• seta munnligar spurningar í fólkatingssalinum
• seta skrivligar spurningar til ráðharran
• boðsenda ráðharran í samráð

Sum liður í eftirlitinum hjá Fólkatinginum við stjórnararbeiðnum kunnu nevndirnar biðja ein ráðharra koma á fund í nevndini. Tað ger nevndin við at seta ráðharranum ein skrivligan spurning. Ráðharrin møtir síðani upp og svarar spurninginum. Hetta kallast samráð. Nevndarlimir kunnu seta samráðsspurningar um aktuella lóggávuarbeiðið. Tey kunnu eisini spyrja um t.d. mál í miðlunum.

Eitt samráð kann vera opið ella lukkað. Allir borgarar kunnu møta upp í Fólkatinginum og luttaka í opnum samráði. Borgararnir kunnu eisini síggja opnu samráðini beinleiðis á heimasíðu Fólkatingsins. Borgarar kunnu ikki luttaka í lukkaðum samráðum.

Nevndirnar verða regluliga vitjaðar av deputatiónum. Ein deputatión er ein bólkur av borgarum ella umboðum fyri felagsskapir, fyritøkur og líknandi, sum ynskja at fortelja nevndini um sína meining ella vitan fyri til dømis at ávirka arbeiðið hjá nevndini við einum lógaruppskoti.

Ein og hvør kann biðja um at hitta eina nevnd, eisini vanligir borgarar. Men nevndirnar viðgera ikki einstøk mál. Tær fara tí neyvan at taka ímóti einari deputatión, sum vil tosa um eitt persónsmál ella tílíkt.

Ein deputatión fær vanliga 15 minuttir at siga nevndini frá einum máli/evni. Nevndarlimirnir kunnu seta spurningar til deputatiónina, men ikki øvugt.

Borgarar kunnu altíð skriva til eina nevnd. Nevndarlimirnir kunnu síðan velja at brúka vitanina, sum er send, til at seta ráðharranum ein ella fleiri spurningar um evnið. Á henda hátt kunnu borgarar óbeinleiðis ávirka politisku tilgongdina.

Ein nevnd kann gera av at skipa fyri einari hoyring um eitt lógaruppskot ella eitt evni, sum hoyrir undir málsøkið hjá nevndini. Nevndin avger sjálv, hvørjir serfrøðingar, granskarar o.s.fr. skulu sita í serfrøðingapanelinum. Nevndin bjóðar vanliga fleiri felagsskapum til hoyringarnar. Hoyringar eru vanliga opnar fyri almenninginum.

Politisku samráðingarnar um fíggjarlógina taka fleiri mánaðir, tí lógin er so víðfevnd. Samráðst verður um nógv politisk øki.

Sambært grundlógini skal stjórnin leggja fram eitt fíggjarlógaruppskot í seinasta lagi 4 mánaðir áðrenn fíggjarárið byrjar, t.e. í seinasta lagi 31. august hvørt ár (fíggjarárið fylgir álmanakkaárinum).

Uppskotið hjá stjórnini til fíggjarlógina skal í fyrstu viðgerð í september. Tað er undir orðaskiftinum um fíggjarlógina. Tað tekur langa tíð og kann vara til seint á kvøldi. Fíggjarnevndin og fleiri av hinum fólkatingsnevndunum fara síðani ígjøgnum fíggjarlógaruppskotið. Tær spyrja m.a. fíggjarmálaráðharran spurningar um ávís punktir í uppskotinum.

Parallelt við viðgerðirnar í fólkatingssalinum samráðist fíggjarmálaráðharrin við flokkarnar í Fólkatinginum.

Til triðju viðgerð í fólkatingssalinum atkvøða flokkarnir um fíggjarlógaruppskotið. Atkvøðugreiðslan er vanliga tann drúgvasta í einum fólkatingsári. Tí at fíggjarlógin hevur altíð eina rúgvu av broytingaruppskotum. Fólkatingið atkvøður um hesi, áðrenn atkvøtt verður um endaligu samtyktina av fíggjarlógini.

Samráðingarnar og atkvøðugreiðslan snúgva seg ikki einans um fíggjarætlanir og búskaparligar raðfestingar. Flokkarnir brúka eisini samráðingarnar um fíggjarlógina til at vísa veljarunum, at teir taka politiska ábyrgd.

Um stjórnin ikki megnar at samtykkja sína fíggjarlóg, má hon leggja frá sær ella skriva út val. Fíggjarlógin plagar tó at verða samtykt við stórum meiriluta í endanum av desember.

Sum fólkatingslimur mást tú hava samband við tað samfelagið, sum tú ert við til at lóggeva fyri. Tí brúka fólkatingslimir nógva tíð á politiskum fundum uttan fyri Christiansborg, harímillum fundir:

• í valfeløgum, kjakfundum o.s.fr.
• við umboð fyri vinnulívið og áhugafelagsskapir
• við borgarar, sum vilja tosa við teir um viðurskifti, teir vita okkurt serligt um, ella eitt mál, teir eru blandaðir uppí
• við granskarar, sum vilja fortelja um nýggjastu vitanina á teirra øki

Fólkatingslimir vitja eisini stovnar og arbeiðspláss o.s.fr. fyri at fáa innlit í gerandisdagin og trupulleikar hjá borgarunum.

Fyri fólkatingslimirnar merkja fundir við fólk úr samfelagnum, at teir fáa mál lýst frá nógvum ymiskum síðum. Hetta gevur teimum týðandi vitan og íkast og harvið eitt betri grundarlag til at lóggeva.

Sum fólkatingslimur hevur tú ikki tíð at seta teg væl inn í øll tey lógaruppskot og uppskot til samtyktar, sum tín flokkur skal taka støðu til. Framsøgufólkini hjá flokkunum hava ábyrgd av at leggja fram floksins støður til eitt ávíst málsøki.

Tað gera tey:

• í orðaskiftum í fólkatingssalinum
• í kjakum í fólkatingsnevndunum
• Í samrøðum við fjølmiðlarnar

Framsøgufólkini á teimum ymsu økjunum mugu tí seta seg væl inn í øll málini og fylgja við í teirra málsøki. Í smáum flokkum hevur hvør tinglimur vanliga framsøgufólk fyri fleiri øki. Har eru ikki so nógv at deila uppgávurnar millum sín.

Vanliga er framsøgufólkið limur í teirri nevndini, sum arbeiðir við avvarðandi øki. Til dømis er framsøgufólkið í skattamálum sum oftast limur í Skattanevndini.

Politiska framsøgufólkið skal verja allar avgerðir hjá flokkinum í almenna kjakinum.

Til tey stóru árligu orðaskiftini í fólkatingssalinum er tað politiska framsøgufólkið, sum heldur røðuna vegna sín flokk og kjakast við framsøgufólkini hjá hinum flokkunum.

Politiska framsøgufólkið luttekur eisini – onkuntíð næstan dagliga – í samrøðum ella politiskum kjakum í sjónvarpinum, útvarpinum, í bløðum ella á internetinum.

Hvør tingbólkur útnevnir ein fólkatingslim sum tingbólkaforfólk. Tingbólkaforfólkið stendur á odda fyri tingbólkin hjá flokkinum – í mun til floksformannin, sum stendur á odda fyri allan flokkin.

Tingbólkaforfólkið er m.a. orðstýrari á tingbólkafundunum hjá flokkinum á Christiansborg. Tá fólkatingslimirnir í bólkinum hava umrøtt eitt mál, tekur tingbólkaforfólkið orðið og kemur til dømis til eina niðurstøðu um, hvør støðan hjá flokkinum er, og hvat tingbólkurin skal atkvøða til eitt lógaruppskot.

Tingbólkaforfólkið avgerð, hvør verður framsøgufólk í hvørjum málum, og ger harvið av, hvør kann tosa vegna flokkin í ymsu politisku økjunum.

Fólkatingið veitir fíggjarligan stuðul til fólkatingsbólkarnar. Stuðulin verður vanliga brúktur til at seta starvsfólk at hjálpa fólkatingslimunum. Hetta kunnu vera skrivarar, miðlafólk og ráðgevar. Fólkatingsbólkarnir fáa stuðul eftir stødd.

Fólkatingslimirnir fáa egna skrivstovu á Christiansborg. Summir hava sín egna skrivara, aðrir deila skrivstovu við einum ella fleiri starvsfeløgum.