Evropatingsval

Í valinum til Evropatingið atkvøða veljararnir um, hvør skal umboða Danmark í ES.

Color image of some people voting in some polling booths at a voting station - Fotograf ©bizoo_n - stock.adobe.com
Større

Evropatingið er fólkavalda forsamlingin hjá ES og samtykkir lógir, sum øll limaríki ES skulu fylgja.

5. hvørt ár er val til evropatingið Valið skal fara fram í øllum limalondunum innan fyri eitt tíðarskeið, sum ES ásetur.

14 av limunum í Evropatinginum eru úr Danmark.

Tú kanst atkvøða til val til Evropatingið, um tú ert 18 ár ella eldri, og:

  • ert danskur ríkisborgari og hevur fastan bústað í Danmark ella einum av hinum ES-londunum
  • ert ríkisborgari í einum av hinum ES londunum og hevur fastan bústað í Danmark

Tú velur, um tú vilt atkvøða í tí ES-landinum, tú býrt í, ella í tí ES-landinum, har tú ert ríkisborgari. Tú kanst bert atkvøða í einum ES-landi.

Føroyar og Grønland eru ikki partur av ES. Býrt tú í Føroyum ella Grønlandi, kanst tú ikki atkvøða til evropatingsval. Føroyingar og grønlendingar, sum búgva í Danmark, kunnu atkvøða til evropatingsval.

Tú kanst stilla upp til Evropatingið, um tú lýkur treytirnar fyri at atkvøða til evropatingsval. Men tú kanst ikki sita í Evropatinginum, um tú ert revsaður fyri nakað, sum í fólksins eygum ger teg óverdigan til tað. Verður tú valdur, avger Fólkatingið, um tú kanst sita sum limur.