Kunngerðin hjá Evropatinginum og Ráðnum um vernd av fysiskum persónum í sambandi við viðgerð av persónsupplýsingum og um fría deiling av slíkum upplýsingum (dátuverndarreglugerðin) kom í gildi 25. mai 2018. Reglugerðin ásetur rættarligu karmarnar fyri felags dátuvernd í ES. Reglugerðin er galdandi í øllum ES-limalondum og kemur harvið í staðin fyri donsku persónsdátulógina.

17. mai 2018 samtykti Fólkatingið persónsdátulógina, lóg nr. 502 av 23. mai 2018, sum inniber eyka nationalar ásetingar um viðgerð av persónsupplýsingum innan fyri tað ríkisliga, sum reglugerðin gevur møguleika fyri.

Lógin og dátuverndarreglugerðin eru ikki galdandi, um tað er í stríð við grein 10 í Evropeiska Mannarættindasáttmálanum ella grein 11 í Sáttmálanum um grundleggjandi rættindi hjá ES.

Lógin og dátuverndarreglugerðin eru ikki galdandi fyri viðgerð av upplýsingum, sum eru liður í parlamentariska arbeiðnum í Fólkatinginum, t.d. viðgerð av persónsupplýsingum í fólkatingssalinum og í nevndunum hjá Fólkatinginum.

• Dátuverndarreglugerðin, reglugerðin hjá Evropatinginum og Ráðnum nr. 2016/679 frá 27. april 2016 um vernd av fysiskum persónum í sambandi við viðgerð av persónsupplýsingum og um fría deiling av slíkum upplýsingum
• Dátuverndarlógin, lóg nr. 502 av 23. mai 2018

Fólkatingsins Umsiting hevur dátuábyrgdina fyri viðgerðina av teimum persónsupplýsingum, sum verða viðgjørdir av umsitingini. Hevur tú spurningar, ert tú vælkomin at seta teg í samband við okkum. Her eru okkara sambandsupplýsingar:

Folketingets Administration
Christiansborg
1218 København K
CVR nummar: 55 49 43 12
Telefon: 33 37 55 00
Teldupostur: [email protected]

Dagliga viðgerðin av persónsupplýsingum verður framd av skrivstovuni ella eindini, sum viðger tínar persónsupplýsingar fyri at útinna sínar uppgávur. Tín fyrispurningur verður tí sendur víðari til viðkomandi eind ella starvsfólk. Um tín fyrispurningur inniheldur viðkvæmar persónsupplýsingar, skalt tú senda hann krypteraðan ella umvegis e-Boks.

Vit viðgera tínar persónupplýsingar við hesum endamálum:

• Fyri at kunna útinna tær uppgávur, sum Fólkatingsins Umsiting skal útinna fyri samfelagið, harímillum tær uppgávur, sum umsitingin hevur rættarliga til at útinna.
• Fyri at kunna veita tær tænastur, sum tú bíleggur frá Fólkatingsins Umsiting, t.d. tíðindaskriv, útgávur og tilmeldingar til tiltøkur.
• Fyri at lúka ein sáttmála, sum tú ert partur í, ella við atliti til gjøgnumførdar atgerðir, sum verða framdar eftir tínari umbøn, áðrenn sáttmáli er gjørdur.
• Fyri at skjalfesta okkara arbeiði og fyri at menna og betra okkara uppgávur.

Rættargrundarlagið fyri okkara viðgerð av tínum persónsupplýsingum er grein 6, stk. 1, litra b, c og e, og grein 9, stk. 2, litra f og g, í dátuverndarreglugerðini. Har kunnu vera onnur rættargrundarløg. Í summum førum biðja vit um títt samtykki til at viðgera persónsupplýsingar um teg. Um so er, fært tú fleiri upplýsingar um endamálið og lógargrundarlagið fyri at brúka samtykkið.

Fólkatingsins Umsiting viðger bara tær persónsupplýsingar um teg, sum eru neyðugar fyri at vit kunnu gera okkara uppgávur. Hvørjar persónsupplýsingarnar vit savna og skráseta veldst um, hvat fyri uppgávu vit skulu útinna.

4.1. Trygd og atgongd

Av trygdarávum hevur Fólkatingsins Umsiting eftirlit við vakmyndatólum á alment atkomiligum økjum í og rundan um Fólkatingið. Í tráð við lógarásettar reglur eru skelti sett upp um hetta eftirlitið. Upptøkurnar verða strikaðar innan 30 dagar, uttan so at tað er ein ítøkilig orsøk at lata løgregluni upptøkurnar.

Av trygdarávum kann Fólkatingsins Umsiting taka telefonsamrøður upp. Upptøkurnar verða strikaðar innan 48 dagar, uttan so at tað er ein ítøkilig orsøk at lata løgregluni upptøkurnar.

Av trygdarávum verða øll vitjandi, tá tey koma til Fólkatingið, skannað næstan líka sum á einum flogvølli.

4.2. Vitjanir og rundvísingar

Tað eru fleiri ymsir møguleikar at vitja Fólkatingið. 
Tú kanst bóka eina vitjan gjøgnum bíleggingarskipanina á heimasíðu Fólkatingsins ft.dk ella við at seta teg í samband við Vitjanartænastuna hjá Fólkatinginum. Vit hava bara brúk fyri tínum navni, telefonnummari, teldupostadressu og øllum líknandi upplýsingum um fyritøkuna, skúlan ella felagsskapin, tú kemur frá.

4.3. Starvsvenjing fyri skúlanæmingar

Skúlanæmingar kunnu søkja um at koma í starvsvenjing í Fólkatingsins Umsiting. Í umsóknarblaðnum á ft.dk skulu næmingarnir upplýsa navn, bústað, postnummar, bý, telefonnummar, skúla og floksstig.

4.4. Starv í Fólkatinginum

Umsóknir til leys størv í Fólkatingsins Umsiting kunnu sendast umvegis heimasíðuna hjá Fólkatinginum. Vit brúka ríkisins e-starvssetanarskipan.

• • Les um viðgerð av persónsupplýsingum um starvsumsøkjarar

4.5. Læringarspøl

Fólkatingið hevur ymisk læringarspøl til skúlanæmingar. Í hesum sambandi verða upplýsingar savnaðar um navn, skúla og floksstig hjá næmingunum, umframt telefonnummar og teldupostadressur hjá kontaktpersónum. Sum partur av spælinum kann ein andlitsmynd verða tikin av næmingunum, sum skulu luttaka í "Politikari fyri ein dag". Myndir verða automatisk strikaðar í endanum av skúlaárinum.

4.6. Kunningartænasturnar hjá Fólkatinginum

Fólkatingið hevur tvær kunningartænastur, sum tú kanst seta teg í samband við umvegis telefon, kjatt ella heimasíðurnar hjá Fólkatinginum. Hevur tú spurningar um Fólkatingið, lóggávuna ella Christiansborg, kanst tú seta teg í samband við Fólkatingsins Kunningartænastu. Um tú hevur spurningar um arbeiðið í ES ella tíni rættindi innan ES, kanst tú seta teg í samband við EU-kunningartænastuna hjá Fólkatinginum Vit viðgera tær persónsupplýsingarnar um teg, sum tú gevur okkum. Í flestu førum tørvar okkum bert tín spurning, títt navn og møguliga tína teldupostadressu fyri at kunna svara tínum spurningi. Um tú kjattar við okkum, síggja vit tína IP-adressu.

4.7. Fólkatingtíðindi

Hevur tú spurningar um arbeiðið í Fólkatingtíðindunum, kanst tú seta teg í samband við Fólkatingtíðindi. Vit viðgera tær persónsupplýsingarnar um teg, sum tú gevur okkum. Í flestu førum tørvar okkum bert tín spurning, títt navn og møguliga tína teldupostadressu fyri at kunna svara tínum spurningi. Vit senda tó spurningin víðari til Fólkatingsins kunningartænastu, um tey kunnu svara betur ella skjótari. 

Tú kanst eisini seta teg í samband við Fólkatingsins Kunningartænastu beinleiðis umvegis telefon, kjatt ella heimasíðurnar hjá Fólkatinginum. Sí brot 4.6 omanfyri.

4.8. Haldaraskipanin hjá Fólkatinginum

Á heimasíðu Fólkatingsins kanst tú melda teg sum haldara til tíðindi og skjøl frá Fólkatinginum. Fyri at tekna eitt hald, mást tú stovna ein vanga. Á vanganum standa upplýsingar um títt navn, tína teldupostadressu og tey sløg av tíðindum og skjølum, tú vilt melda teg til.

Vit viðgera bara hesar upplýsingar í okkara KT-skipan fyri at kunna senda tær tíðindi og skjøl, sum tú hevur teknað hald til. Upplýsingarnar verða ikki latnar víðari til onnur, og tær verða ikki brúktar til nakað annað endamál. Vit goyma upplýsingar um, hvørji tíðindi og skjøl tú hevur fingið sum haldari, í 30 dagar.

Tú kanst lættliga síggja, hvørjar upplýsingar tú hevur givið okkum, og broyta ella avmelda títt hald. Hetta gert tú við at hyggja, broyta ella strika tín vanga og tey valdu haldini á ft.dk.

4.9. Netredaktiónin og vevstjórin í Fólkatinginum

Hevur tú spurningar um Fólkatingsins heimasíðu ella uppskot um betringar, kanst tú seta teg í samband við netredaktiónina hjá Fólkatinginum. Um tú upplivir tekniskar villur á ft.dk, ella á annan hátt hevur tekniskar spurningar, kanst tú seta teg í samband við vevstjóran hjá Fólkatinginum. Í flestu førum tørvar okkum bert tín spurning, títt navn og møguliga tína teldupostadressu fyri at kunna svara tínum fyrispurningi.

4.10. Fjølmiðlar

Almenningurin skal hava bestu umstøðurnar fyri at kunna fylgja við í politiska arbeiðnum. Sum tíðindafólk ella fotografur hevur tú tí møguleika at sleppa inn í Fólkatingið við tínum pressukorti. Pressukortið skal vera eitt galdandi danskt ella altjóða útflýggjað pressukort. Undir serligum umstøðum, so sum til valkvøld ella í sambandi við upplatingina av Fólkatinginum, kunnu serlig viðurskifti vera galdandi. Um har er krav um serliga akkreditering, kanst tú lesa um tað á ft.dk. Privilegerað atgongd verður í mesta lagi givin til 160 fjølmiðlafólk í Fólkatinginum. Tú kanst lesa meira um treytirnar fyri privilegeraða atgongd í umsóknarblaðnum, sum tú skalt fylla út, um tú vilt søkja um atgongd. Fólkatingsins Umsiting skrásetur navn, telefonnummar, teldupostadressu og arbeiðsgevara.

4.11. Myndir og filmupptøkur av hendingum

Fólkatingið er ein grundleggjandi stovnur í Danmark, og tað hevur almennan áhuga, at arbeiði og lív á Christiansborg verður miðlað og skjalprógvað. Fólkatingsins Umsiting tekur film og myndir av m.a. tiltøkum, sum verða hildin í Fólkatinginum. Endamálið er partvíst at brúka tilfarið í miðlingini av arbeiðnum hjá Fólkatinginum, og partvíst at kunna goyma tilfarið til eftirtíðina.

4.12. Kennifílur (cookies)

Tú kanst lesa um nýtsluna av kennifílum á ft.dk og eu.dk.

• Kennifílur (cookies)

• Kennifílur (cookies)

Tú kanst lesa um nýtsluna av kennifílum á folkatingid.dk

• Kennifílur (cookies)

4.13. Logging av ferðslu

Fólkatingsins Umsiting loggar ferðsluna á heimasíðunum hjá Fólkatinginum. Loggingin verður gjørd fyri at fáa hagtøl og betra um brúkarupplivingina.

4.14. Kunning til innanhýsis brúkarar av KT-skipanunum í Fólkatinginum

Innanhýsis brúkarar av KT-skipanunum hjá Fólkatinginum fáa serligar upplýsingar um viðgerðina av teirra persónsupplýsingum í Fólkatingsins Umsiting.

Fólkatingið er á Facebook, Instagram, X og LinkedIn, sum hava sínar egnu privatlívspolitikkir. Vit heita á teg um at lesa privatlívspolitikkin hjá hesum miðlunum, áðrenn tú brúkar teir. Fólkatingsins Umsiting brúkar Facebook í vinnuligum høpi fyri at fremja danska fólkaræðið og kunnleikan hjá almenningin um arbeiðið í Fólkatinginum. Vit deila dátuábyrgd við Facebook viðvíkjandi Facebook-síðunum hjá Fólkatinginum.

Persónsupplýsingarnar, sum Fólkatingsins Umsiting savnar, eru skrásettar í KT-skipanunum, sum Fólkatingsins Umsiting brúkar. Starvsfólkini í Fólkatingsins Umsiting brúka KT-skipanirnar sum ein part av sínum arbeiði og fáa atgongd til tær upplýsingar, sum eru skrásettar í skipanunum. Starvsfólkini kunnu einans viðgera tær persónsupplýsingar, sum eru neyðugar fyri, at tey kunnu gera sítt arbeiði. Starvsfólkini hava tagnaðarskyldu, sum er ásett við lóg. Atgongdarstýring verður brúkt, soleiðis at atgongdin er avmarkað til tey starvsfólk, sum hava tørv á atgongd.

Fólkatingsins Umsiting varðveitir tínar persónsupplýsingar, so leingi sum tað er neyðugt fyri at røkka endamálunum við viðgerðini, ella so leingi sum Fólkatingsins Umsiting er áløgd at varðveita tær sambært aðrari lóggávu. Vit goyma ella strika tínar persónsupplýsingar sambært reglunum fyri skjalasavnið hjá Fólkatinginum. Í summum førum er neyðugt at goyma persónsupplýsingar í pappírsformi. Slík varðveitsla má gerast ábyrgdarfult.

Um ein veitari viðger persónsupplýsingar vegna Fólkatingið, skal varðveitsla og striking fara fram sambært galdandi persónsdáturætti og dátuviðgerðaravtalu.

Fólkatingins Umsiting víðarigevur bara tínar persónsupplýsingar til ein triðjapart, um vit hava rættarliga skyldu at gera tað, ella um tað annars er neyðugt fyri at útinna tær uppgávur, sum Fólkatingins Umsiting skal útinna.

Fólkatingsins Umsiting brúkar í avmarkaðan mun uttanhýsis veitarar til at viðgera persónsupplýsingar okkara vegna. Í hesum førum verða dátuviðgerðaravtalur gjørdar við veitararnar fyri at tryggja, at upplýsingarnar verða viðgjørdar í samsvari við galdandi persónsdátulóg.

Tínar persónsupplýsingar eru vardar gjøgnum verjuna av KT-skipanunum hjá Fólkatinginum. Atgongdarstýring verður brúkt. Tá tú setir teg í samband við Fólkatingið, kanst tú senda tínar persónsupplýsingar krypteraðar [email protected], ella kanst tú fylla út oyðubløðini á heimasíðunum hjá Fólkatinginum.

Sambært almennu dátuverndarreglugerðini hevur tú fleiri rættindi í sambandi við okkara viðgerð av upplýsingum um teg.

• Rættur at síggja upplýsingar (innlitsrættur)
  Tú hevur rætt til at fáa atgongd til upplýsingarnar, vit viðgera um teg.
• Rættur til rættleiðing 
  Tú hevur rætt til at fáa skeivar upplýsingar um teg rættaðar.
• Rætt til striking
  Í ávísum førum hevur tú rætt til at fáa upplýsingar um teg strikaðar áðrenn okkara yvirskipaðu striking.
• Rættur til avmarking av viðgerð
  Í ávísum førum hevur tú rætt til at fáa avmarkaða viðgerðina av tínum persónsupplýsingum. Um tú hevur rætt til at fáa viðgerðina avmarkaða, kunnu vit í framtíðini bert viðgera upplýsingarnar – burtursæð frá varðveitslu – við tínum samtykki, ella við tí endamáli at eitt rættargildið verður sett í verk, gjørt galdandi ella vart, ella fyri at verja ein persón ella týdningarmikil áhugamál hjá samfelagnum.
• Rættur at mótmæla
  Í ávísum førum hevur tú rætt til at mótmæla okkara annars lógligu viðgerð av tínum persónsupplýsingum.

Vilt tú brúka tíni rættindi, kanst tú seta teg í samband við okkum.
Tú kanst lesa meira um tíni rættindi í vegleiðingini hjá Dátueftirlitinum um rættindi hjá teimum skrásettu. Tú finnur hana á heimasíðuni hjá Dátueftirlitinum.

Um tú hevur spurningar um okkara viðgerð av tínum persónsupplýsingum, kanst tú seta teg í samband við okkara dátuverndarvegleiðara.

Við telduposti: [email protected]
Um tín fyrispurningur inniheldur viðkvæmar persónsupplýsingar, skalt tú senda hann krypteraðan ella umvegis e-Boks.
Á telefon: + 45 33 37 55 00
Við brævi: Folketingets Administration, Att. databeskyttelsesrådgiveren, Christiansborg 1240 København K.

Tú hevur rætt til at senda eina klagu til Dátueftirlitið, um tú ert ónøgd/ur við mátan, vit viðgera tínar persónsupplýsingar uppá. Tú finnur sambandsupplýsingarnar hjá Dátueftirlitinum á heimasíðuni hjá Dátueftirlitinum.

• Set teg í samband við Dátueftirlitið