Fólkatingið

Fólkatingið er parlamentið í Danmark. Høvuðsuppgávurnar hjá Fólkatinginum eru at viðgera lógaruppskot og samtykkja landsins lógir, hava eftirlit við stjórnini og samtykkja árligu fíggjarætlanina hjá stjórnini (fíggjarlógina).

Í fólkatingssalinum kjakast fólkatingslimirnir um politikk. Tað er eisini her, tey atkvøða um, hvørt eitt lógaruppskot skal samtykkjast og verða til eina nýggja lóg. Men tað er í nevndunum hjá Fólkatinginum, at avgerðirnar verða fyrireikaðar.

Grundlógin er stjórnarskipanin hjá Danmark. Hon lýsir m.a. skipanina av fólkaræðinum, rættindi og skyldur borgaranna og valdstríbýtið.